యోవేలు (పరిచయం)

 

రచయిత:

దక్షిణ రాజ్యం యూదాలో నివసించిన ప్రవక్త యోవేలు. ఈ పేరుకు అర్థం “యెహోవాయే దేవుడు”.

వ్రాసినకాలం:

సుమారు క్రీ.పూ.835.

ముఖ్యాంశం:

యెహోవా దేవుని భయంకరమైన దినం. ఇస్రాయేల్‌వారి పాపం మూలంగా దేవుడు వారిని అనతికాలంలోనే నాశనం చేస్తాడన్న హెచ్చరిక. మిడతల దండు రూపంలో ఆ వినాశనం వచ్చిపడి తీరని నష్టాన్ని కలిగిస్తుంది. “యెహోవా దినం” అనే భయంకరమైన తీర్పు దినానికి ఆ మిడతల గుంపులు తెచ్చే నాశనం ఒక సూచన. అయితే ఆ గొప్ప విపత్తునుండి దేవుడు ఇస్రాయేల్ ప్రజను కాపాడతాడనీ, వారిని బాధించినవారిని శిక్షిస్తాడని యోవేలు దేవుని మూలంగా తెలియజేశాడు. 2:28-29 లో దేవుని ఆత్మను గురించిన గొప్ప భవిష్యద్వాక్కు ఉంది.

విషయసూచిక:

ప్రవక్త పరిచయం 1:1

మిడతల గుంపులు కలిగించే వినాశనం 1:2-20

యెహోవా దినం తీసుకువచ్చే బాధ 2:1

ఇస్రాయేల్ పైకి దాడి చేయబోయే సైన్యాలు 2:2-10

పశ్చాత్తాపపడాలని పిలుపు 2:11-17

ప్రతిగా దేవుడు వారిని ఆదుకుని, ఆశీర్వదించడం 2:18-20

ఆనంద సమాచారం 2:21-24

రాబోయే దీవెనలు, ఆత్మ కుమ్మరింపు 2:25-32

ఇస్రాయేల్‌ను వేధించిన జనాలకు తీర్పు 3:3-16

ఇస్రాయేల్‌వారికి దీవెనలు కలుగుతాయన్న వాగ్దానం 3:17-21