నిబంధనా జనులం
నిరీక్షణా ధనులం
ఘనుడగు యేసుని సిలువ రక్తపు సంబంధులం
మేము నిబంధనల జనులం
యేసు రాజు వచ్చును – ఇంకా కొంత కాలమే
మోక్షమందు చేరెదము } 2|| నిబంధనా ||
1.అబ్రాహాము నీతికి వారసులం ఐగుప్తు దాటిన అనేకులం } 2
మోషే బడిలో బాలురము } 2
యేసయ్య ఒడిలో కృతాజ్ఞులం – ప్రియ పుత్రులం
మేము నిబంధనా జనులం|| యేసు రాజు ||
2.విశ్వాసమే మా వేదాంతం నిరీక్షణే మా సిద్ధాంతం } 2
వాక్యమే మా ఆహారం } 2
ప్రార్ధనే వ్యాయామం – అనుదినము
మేము నిబంధనా జనులం|| యేసు రాజు ||
3.అశేష ప్రజలలో ఆస్తికులం అక్షయుడేసుని ముద్రికులం } 2
పునరుత్తానుని పత్రికలం } 2
పరిశుద్ధాత్ముని గోత్రికులం – యాత్రికులం
మేము నిబంధనా జనులం|| యేసు రాజు ||
4.నజరేయుని ప్రేమ పొలిమేరలో సహించుటే మా ఘన నియమం } 2
క్షమించుటే ఇల మా న్యాయం } 2
భరించుటే మా సౌభాగ్యం – అదే పరమార్ధం
మేము నిబంధనా జనులం|| యేసు రాజు ||
5.క్రీస్తేసే మా భక్తికి పునాది పునరుత్తానుడే ముక్తికి వారధి } 2
పరిశుద్ధాత్ముడే మా రథ సారథి } 2
ప్రభు యేసే మా ప్రధాన కాపరి – బహు నేర్పరి
మేము నిబంధనా జనులం|| యేసు రాజు ||
6.ఎవరీ యేసుని అడిగేవో ఎవరోలే యని వెళ్ళేవో } 2
యేసే మార్గం యేసే జీవం } 2
యేసే సత్యం కాదు చోద్యం – ఇదే మా సాక్ష్యం
నిబంధనా జనులం|| యేసు రాజు ||
No comments:
Post a Comment