అతడు శ్రమలో ఉన్నప్పుడు తన దేవుడైన యెహోవాను బతిమాలుకొని, తన పితరుల దేవుని సన్నిధిని తన్నుతాను బహుగా తగ్గించు కొని.
2దినవృత్తాంతములు 33: 12
ప్రియులారా మనష్షే అనే ఇశ్రాయేలీయుల రాజు దేవుని మాట వినకుండా తన ఇష్టానుసారంగా ప్రవర్తించి దేవునికి కోపం తెప్పించాడు. అందువలన తనకు శ్రమపెడుతున్నపుడు అతడు ఆయన శ్రమలలో దేవుడైన యెహోవాకు మొరపెట్టి తనకు తాను బహుగా తగ్గించుకుని దేవుణ్ణి బ్రతిమిలాడుకొనెను. హృదయపూర్వకముగా మనష్షే చేసిన ప్రార్ధనని దేవుడు అంగీకరించి మనష్షే శ్రమలో నుండి అతనిని విడిపించి తిరిగి ఇశ్రాయేలీయులకు రాజుగా చేశాడు. దేవుని వాక్యం ఈ విదంగా చెబుతుంది. నీ దేవుడైన యెహోవా కనికరముగల దేవుడు గనుక నిన్ను చెయ్యి విడువడు నిన్ను నాశనముచేయడు తాను నీ పితరులతో ప్రమాణం చేసిన నిబంధన మరిచిపోడు అని.
ప్రియులారా మన దేవుడు కనికరము గల దేవుడు మనం చేసిన తప్పిదములను బట్టి పాపములను బట్టి మనలను శ్రమ పెట్టడు గాని మనం మారు మనస్సు పొందుటకు కొరకే ఆశ పడుతాడు
తప్పిపోయిన కుమారుడు తన తప్పు తాను తెల్సుకొని తన్ను తాను ఎంతగానో తగ్గించుకొని వచ్చినప్పుడు తండ్రి ఎంతో సంతోషించి గొప్ప విందు చేశాడు
మనం కూడా ఆ కుమారుని వలె మనలను మనం తగ్గించుకొని దేవుని సన్నిదిలో ప్రార్ధించినట్లైతే ఆయన కనికరము మనపై చూపించి మనలను నీతిమంతులనుగా చేస్తాడు. మన శ్రమలన్నిటినుంచి గొప్ప విడుదలనిచ్చి సమాధానంతో మన హృదయాన్ని నింపుతాడు. అటువంటి గొప్ప కృపకై మనం ప్రయాసపడువారమైయుందాం
ఈ వాక్యం మనకు శ్రమ వచ్చినప్పుడు దేవుని సన్నిధిలో మనలను మనం తగ్గించుకొని దేవుణ్ణి బ్రతిమిలాడే వారమై యుండాలని మనకు తేలియజేస్తుంది. గనుక ఈ రోజంతా ఈ వాక్యాన్ని ధ్యానిస్తూ దేవుని కనికరమును పొందుకుందాము.
దేవుని కృప మనకు తోడైయుండి మనలను నీతిమంతులుగా చేయును గాక ఆమెన్
No comments:
Post a Comment