నీ స్తుతి పాత్రనై

నీ స్తుతి పాత్రనై పాడెద - వేనోళ్ళతో యేసయ్య

నీ స్తుతియాగమే చేసెద - నీ సముఖాన నా యేసయ్య

నిన్నెంత ఘనపరచిన - నిన్నెంత నే పొగడిన

నా తనివి తీరదే - నీ ఋణము తీరదే

నీ ఆరాధనే నా ఆనందము-

నీ సంకీర్తనే నా సంతోషము ॥నీ స్తుతి॥

1. లోపములున్నను నను ప్రేమించి

లోకమునుండి నను వేరుపరచి

లోబడుట నాకు నేర్పించితివి

లోతునకు నను నడిపించితివి ॥నీ ఆరాధనే॥

2. నీ చిత్తమునే జరిగించుటకు

నీ మహిమను నే వివరించుటకు

నీ సన్నిదిలో - నను నిలిపితివి

నీ సేవ చేసే - ధన్యత నిచ్చితివి ॥నీ ఆరాధనే॥