నీవే కృపాదారము | Neeve krupadharamu thiyeka deva

 

నీవే కృపాదారము త్రియేక దేవా

నీవే క్షేమాదారము నా యేసయ్య } 2

నూతన బలమును నవనూతన కృపను } 2

నేటి వరకు దయచేయుచున్నావు

నిన్నే ఆరాధింతును పరిశుద్ధుడా

ఈ స్తోత్రగీతం నీకేనయ్యా|| నీవే కృపాదారము ||

1.ఆనందించితిని అనురాగబంధాల

ఆశ్రయపురమైన నీలో నేను } 2

ఆకర్షించితిని ఆకాశముకంటే

ఉన్నతమైననీ ప్రేమను చూపి } 2

ఆపదలెన్నో అలుముకున్నను అభయమునిచ్చితివి

ఆవేదనల అగ్నిజ్వాలలో అండగానిలచితివి

ఆలోచనవై ఆశ్రయమిచ్చి కాపాడుచున్నావు

నీకే ఈ ప్రేమ గీతం అంకితమయ్యా

ఈ స్తోత్ర గీతం నీకేనయ్యా

నిన్నే ఆరాధింతును పరిశుద్ధుడా

ఈ స్తోత్రగీతం నీకేనయ్యా|| నీవే కృపాదారము ||

2.సర్వకృపానిధి సీయోను పురవాసి

నీ స్వాస్థ్యముకై నన్ను పిలచితివి } 2

సిలువను మోయుచు నీ చిత్తమును

నెరవేర్చెదను సహనముకలిగి } 2

శిధిలముకానీ సంపదలెన్నో నాకైదాచితివీ

సాహసమైన గొప్ప కార్యములు నాకై చేసితివి

సర్వశక్తిగల దేవుడవై నడిపించుచునావు

నిన్నే ఆరాధింతును పరిశుద్ధుడా

ఈ స్తోత్రగీతం నీకేనయ్యా|| నీవే కృపాదారము ||

3.ప్రాకారములను దాటించితివి

ప్రార్థన వినెడి పావనమూర్తివి } 2

పరిశుద్దులతో నన్ను నిలిపితివి

నీ కార్యములను నూతన పరచి } 2

పావనమైన జీవనయాత్రలో విజయము నిచ్చితివి

పరమ రాజ్యమును నిలుపుట కొరకు అభిషేకించితివి

పావనుడా నా అడుగులు జారక స్థిరపరచినావు

నిన్నే ఆరాధింతును పరిశుద్ధుడా

ఈ స్తోత్రగీతం నీకేనయ్యా || నీవే కృపాదారము ||