హెబ్రీయులకు వ్రాసిన పత్రిక (పరిచయం)

 

రచయిత, వ్రాసిన కాలం:

క్రీస్తు శకం మొదటి శతాబ్దంలోని యూద క్రైస్తవులకు రాసిన ఈ లేఖ ఎవరు రాశారో మనకు తెలియదు. సాంప్రదాయం ప్రకారం హీబ్రూవారికి (అంటే, యూద క్రైస్తవులకు) ఈ లేఖ రాసినది క్రీస్తు రాయబారి పౌలు. అయితే దానికి రుజువు లేదు. రాసినది అపొల్లో అని కొందరి అభిప్రాయం. మరికొందరు సైలస్ రాశాడేమో, మరికొందరు బర్నబా రాశాడేమో అంటారు. ఈ అభిప్రాయాలకు కూడా రుజువు లేదు. ఒక విషయం మాత్రం స్పష్టమే – ఈ దివ్య లేఖ దేవుని పవిత్రాత్మ ఆవేశపూర్వకంగా కలిగింది. ఇది రాసినది క్రీ.శ. 70కు ముందు.

ముఖ్యాంశం:

ఈ లేఖ ముఖ్యాంశం యేసు క్రీస్తు ద్వారా కలిగిన కొత్త ఒడంబడిక. ఇది మోషే ద్వారా దేవుడు ఇస్రాయేల్ ప్రజలతో చేసిన ఒడంబడిక కంటే అన్ని విధాలా శ్రేష్ఠమైనదని రచయిత నొక్కి చెపుతూ నిరూపించాడు. కొందరు యూద క్రైస్తవులు హింసలకు గురై ఈ సత్యాన్ని మరచిపోయి కొత్తదానిని విడిచిపెట్టి పాతదానివైపు మళ్ళడానికి సిద్ధంగా ఉన్నట్టున్నారు. అందుచేత కొత్త ఒడంబడిక శ్రేష్ఠతను గురించిన రుజువులు మాత్రమే గాక ఈ శ్రేష్ఠమైన దానిని విడిచిపెట్టాలనుకొనే వారికి అయిదు కఠినమైన హెచ్చరికలు కూడా ఇందులో రాసి ఉన్నాయి. ఈ లేఖకు మూల పదం “శ్రేష్ఠమైన” (1:4; 7:19, 22; 8:6; 9:23; 10:34; 11:16, 35, 40; 12:24). మూల వాక్కులు 10:19-22 అనవచ్చు. ఈ లేఖలో “నమ్మకం” అనే మాటకు కూడా ప్రాముఖ్యత ఉంది. నమ్మకాన్ని గురించిన ప్రసిద్ధమైన అధ్యాయం దీనిలో ఉంది (11వ అధ్యా). దేవుడు తన కుమారుని ద్వారా మాట్లాడాడు, ఆయన చెప్పినది అందరూ నమ్మాలి అనేదీ ఈ లేఖ సారాంశం.

విషయసూచిక

క్రీస్తు దేవదూతలకంటే శ్రేష్ఠుడు 1:1—2:18.

ఆయన దేవుని కుమారుడు, అన్నిటికీ వారసుడు,

సృష్టిని చేయడంలో పాలిభాగస్తుడు 1:2,5

ఆయన దేవుని స్వరూపం 1:3

ఆయన విశ్వాన్ని నిర్వహిస్తూ ఉన్నాడు 1:3

ఆయన మన పాపాల విషయంలో శుద్ధీకరణ చేశాడు 1:3

ఆయన సంపూర్ణ బలప్రభావాలున్న స్థలంలో కూర్చున్నాడు 1:3,13

దేవదూతలు ఆయన్ను ఆరాధిస్తారు 1:6

ఆయన దేవుడుగా పాలిస్తాడు 1:7-9

ఆయన శాశ్వత సృష్టికర్త 1:10-12

మొదటి హెచ్చరిక: కొట్టుకుపోవద్దు 2:1-4

రాబోయే ప్రపంచాన్ని దేవదూతలు కాదు, యేసు పాలిస్తాడు 2:5

యేసు తాత్కాలికంగా దేవదూతలకంటే తక్కువ స్థానంలో ఉన్నాడు,

కానీ ఇప్పుడు వారికంటే ఉన్నత స్థానంలో ఉన్నాడు 2:6-9

యేసు కొంతకాలం పాటు దేవదూతలకంటే

తక్కువగా ఉండడానికి కారణం 2:10-18

యేసు మోషే, యెహోషువలకంటే శ్రేష్ఠుడు 3:1—4:16

మోషే ఇంటిలో పని చేశాడు కానీ యేసు ఇంటిని కట్టాడు 3:2-6

రెండవ హెచ్చరిక: అవిశ్వాసం ద్వారా అవిధేయత చూపవద్దు 3:7—4:2

యెహోషువ ప్రజలను విశ్రాంతి స్థలానికి

నడిపించలేకపోయాడు కానీ యేసు నడిపించగలడు 4:3-16

యేసు గొప్ప ప్రముఖయాజి 4:14-16

క్రీస్తు యాజిధర్మం అహరోను యాజిధర్మం కంటే శ్రేష్ఠం 5:1—8:5

పాత ఒడంబడిక యాజుల విధులు 5:1-3

దేవుని పిలుపు అందినవారు 5:4-6

మెల్కీసెదెకు వరుస 5:6-10

మూడో హెచ్చరిక: మీరు పడిపోవద్దు 5:11—6:8

రచయిత నిశ్చయత 6:9-12

వాగ్దానాల విషయంలో దేవుని విశ్వసనీయత 6:13-20

మెల్కీసెదెకు, అబ్రాహాము, లేవి 7:1-10

ప్రముఖయాజి అయిన యేసు మెల్కీసెదెకు లాంటివాడు 7:11-17

పాత ఒడంబడిక యాజి ధర్మం బలహీనంగా ఉండి

చేయవలసిన కార్యం చేయలేకపోయింది 7:18-19

యేసు దేవుని వాగ్దానం ద్వారా ప్రముఖయాజి అయ్యాడు 7:20-22

యేసు ప్రముఖయాజి ధర్మం శాశ్వతమైనది 7:23-25

ప్రజలకు సరిగ్గా అవసరమైన ప్రముఖయాజి యేసు 7:26-28

యేసు పరలోకంలో ఉన్న నిజమైన ఆరాధన గుడారంలో సేవ చేస్తాడు 8:1-5

కొత్త ఒడంబడిక పాత ఒడంబడిక కంటే శ్రేష్ఠం 8:6—10:18

కొత్త ఒడంబడికకు యేసు మధ్యవర్తిగా ఉన్నాడు 8:6

కొత్త ఒడంబడికకు శ్రేష్ఠమైన వాగ్దానాలున్నాయి 8:6

కొత్త ఒడంబడిక ఎంతో అవసరమైనది 8:7-8

ఈ కొత్త ఒడంబడికను గురించి దేవుడు పాత ఒడంబడికలో

ప్రస్తావిస్తూ దానికి కారణం రాశాడు 8:8-13

యాజులు పాత ఒడంబడికకు లోబడి పని చేశారు 9:1-10

యేసు పని కొత్త ఒడంబడికలోనిది 9:11-28

యేసు చేసిన ఒక్క బలి విశ్వాసులను ఎప్పటికీ పరిపూర్ణులుగా చేస్తుంది 10:1-18

సజీవమైన కొత్త మార్గం 10:19-22

కొత్త ఒడంబడికకు అనుగుణంగా నివసించడానికి ప్రోత్సాహం 10:22-25

నాల్గవ హెచ్చరిక: కొత్త ఒడంబడికను బుద్ధిపూర్వకంగా

త్రోసిపుచ్చి పాపంలో నిలిచి ఉండకండి 10:26-31

యూద క్రైస్తవుల పరిస్థితి, వారు విశ్వాసంలో పెరగవలసిన అవసరం 10:32-39

విశ్వాసం అంటే ఏమిటి? అది ఏమి చేస్తుంది?

పాత ఒడంబడిక నుంచి ఉదాహరణలు 11:1-40

ముందు అధ్యాయం మీద ఆధారపడిన ప్రోత్సాహ వాక్కులు 12:1-17

పాపాన్ని, ఆటంకాలను త్రోసిపుచ్చాలి 12:1

పందెంలో ఓర్పుతో పరుగెత్తాలి 12:1

యేసువైపు చూడాలి 12:2

ఆయన్ను తలచుకోవాలి 12:3

దేవుని క్రమశిక్షణను అలవర్చుకోవాలి 12:5-13

శాంతినీ, పవిత్రతనూ అనుసరించాలి 12:14

మంచి వేరులో పాదుకొనేలా చూచుకోండి 12:15

ఏశావులాగా ఉండవద్దు 12:16-17

పాత ఒడంబడికకూ, కొత్త ఒడంబడికకూ మధ్య ఉన్న భేదం 12:18-24

ఐదవ హెచ్చరిక: పరలోకంనుంచి మాట్లాడిన దేవుణ్ణి తిరస్కరించవద్దు 12:25-29

ప్రోత్సాహకరమైన ముగింపు 13:1-22

గొప్ప వాగ్దానం 13:5-6

యేసు నిరంతరం 13:8

శిబిరం బయట యేసును కలుసుకొందాం 13:10-14

దేవునికి ఇష్టమైన మూడు అర్పణలు 13:15-16

ప్రతి విశ్వాసిలో దేవుడు చేయదలచుకున్న పని 13:20-21

ముగింపు మాటలు 13:23-25.