పేతురు వ్రాసిన మొదటి పత్రిక ( పరిచయం )

 

రచయిత:

ప్రభువైన యేసు క్రీస్తు రాయబారి అయిన పేతురు.

వ్రాసిన కాలం:

క్రీ.శ. 65-67 మధ్య కాలంలో.

ముఖ్యాంశం:

పేతురు యూదులకు క్రీస్తు రాయబారి (గలతీ 2:8-9), గనుక యూద క్రైస్తవులకు రాస్తున్నాడు (1:1). అయినా దైవావేశం వల్ల కలిగిన ఈ దివ్య సత్యాలు అన్ని కాలాలలో విశ్వాసులందరికోసమూ రాసి ఉన్నాయి. యేసుప్రభువు లూకా 22:31-32లో పేతురుకు ఇచ్చిన ఆదేశం ఈ లేఖలో అద్భుతంగా నెరవేరింది. ఈ లేఖ ద్వారా లెక్కలేనంతమంది క్రైస్తవులకు విశ్వాసంలో ఆధ్యాత్మిక బలం కలిగింది. ఈ లేఖలో కొన్ని ముఖ్యమైన మాటలు “ఆశాభావం”, “బాధలు”, “మహిమ”. ముఖ్యాంశం విశ్వాసులకు కలిగే బాధలు, వాటి తరువాత మహిమ. కష్టాలలో చిక్కుకొన్న విశ్వాసులకు, బాధలు అనుభవిస్తూ ఉన్న విశ్వాసులకు ఈ లేఖ ఎంతో ప్రోత్సాహకరమైనది, ఉపయోగమైనది.

విషయసూచిక

ఈ లేఖ ఎవరికి రాశాడో వారు 1:1

విశ్వాసుల ఆశాభావం 1:3-9

ఇది కొత్త జన్మం ద్వారా వస్తుంది 1:3

ఇది క్రీస్తు చనిపోయినవారిలోనుంచి లేవడం మీద ఆధారపడినది 1:3

ఇది పరలోకంలోని శాశ్వత వారసత్వానికి సంబంధించినది 1:4

దేవుని శక్తి దీన్ని కాపాడుతూ ఉంది 1:5

గొప్ప ఆనందానికి ఇది కారణం 1:6

నమ్మకం, పరీక్షలు 1:7

క్రీస్తుమీది ప్రేమ, విశ్వాసం, ఆశాభావంతో ముడిపడి ఉన్నాయి 1:8-9

విశ్వాసుల విముక్తి పాత ఒడంబడికలో వెల్లడి అయింది 1:10-12

విముక్తి పొందినవారు ఎలా జీవించాలి 1:13—2:3

సిద్ధంగా ఉండండి 1:13

విధేయులై ఉండండి 1:14

పవిత్రంగా ఉండండి 1:15-16

భయభక్తులతో ఉండండి 1:17

విముక్తి పొందడానికి చెల్లించబడిన వెలను గుర్తుంచుకోండి 1:18-21

ప్రేమతో ఉండండి 1:22

కాలాన్ని గురించీ నిత్యత్వాన్ని గురించీ ఎరిగి ఉండండి 1:23-25

నిజాయితీగా కపటం లేకుండా ఉండండి 2:1

ఎదుగుతూ ఉండండి 2:2-3

సజీవమైన రాయి, సజీవమైన రాళ్ళు 2:4-8

విశ్వాసులంటే ఎవరు 2:9-11

విశ్వాసులుగా వారు ఏమి చేయాలి 2:11-21

యేసు చూపిన మాదిరి 2:22-25

భార్యలు, భర్తలు 3:1-7

ఆశీర్వాదాలను వారసత్వంగా పొందే విధానం 3:8-17

క్రీస్తు మరణం, ఆ తరువాత 3:18-22

కష్టాలకు సిద్ధంగా ఉండడం 4:1-4

దేవుని తీర్పు వస్తుంది 4:5-6

ఈ లోకం అంతం దగ్గర పడినట్టుగా జీవించడం 4:7-11

క్రైస్తవులకు బాధలు రావడం 4:12-19

ఈ బాధలకు మనం ఆశ్చర్యపోకూడదు 4:12

వీటిలో సంతోషించాలి 4:13

ఇది ఆశీర్వాదం అని ఎంచాలి 4:14

దీనిగురించి సిగ్గుపడకూడదు 4:16

దేవుణ్ణి స్తుతించాలి 4:17

మనల్ని మనం దేవునికి సమర్పించుకోవాలి 4:18

మనం మంచినే చేస్తుండాలి 4:19

సంఘ నాయకులకు ప్రోత్సాహం 5:1-4

యువకులకు ప్రోత్సాహం 5:5-6

ఆందోళనలను ఎలా ఎదుర్కోవాలి 5:7

సైతానును ఎలా ఎదుర్కోవాలి 5:8-9

ముగింపు మాటలు 5:10-14