ఇదిగో దేవా నా జీవితం - ఆపాద మస్తకం నీకంకితం
శరణం - నీ చరణం, శరణం - నీ చరణం
1. పలుమార్లు వైదొలగినాను - పరలోక దర్శనము నుండి విలువైన దివ్య పిలుపుకు - తగినట్లు జీవించనైతి అయినా నీ ప్రేమతో - నన్ను దరిచేర్చినావు
అందుకే గైకొనుమో దేవా ఈ నా శేషజీవితం
2.నీ పాదముల చెంతచేరి - నీ చిత్తంబు నేనెరుగనేర్పు
హృదయ భారంబు నొసగి - ప్రార్థించి పనిచేయ నేర్పు
ఆగిపోక సాగిపోవు - ప్రేషితునిగ పనిచేయనిమ్ము
ప్రతిచోట నీ సాక్షిగా - ప్రభువా నన్నుండనిమ్ము
3.విస్తార పంట పొలము నుండి - కష్టించి పనిచేయ నేర్పు కన్నీటితో విత్తు మనసు - కలకాలం మరి నాకు నొసగు నశియించు ఆత్మలను - నీ దరిచేర్చ కృపనిమ్మయా
క్షేమ క్షామ కాలమైనా - నిన్ను ఘనపరచు బ్రతుకు నిమ్మయా
No comments:
Post a Comment